என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "குட்கா பறிமுதல் கைது"
காஞ்சீபுரம்:
காஞ்சீபுரத்தை அடுத்த பாலுசெட்டிச்சத்திரம் அருகே உள்ள துலுக்கந்தண்டலம் பகுதியில் குடோனில் குட்கா பதுக்கி வைக்கப்பட்டு இருப்பதாக தனிப் படை போலீசுக்கு தகவல் கிடைத்தது.
இதையடுத்து போலீசார் அந்த குடோனில் அதிரடி சோதனை நடத்தினர். அப்போது தடை செய்யப்பட குட்கா, புகையிலை உள்ளிட்ட பொருட்கள் மூட்டை, மூட்டையாக அங்கு பதுக்கி வைக்கப்பட்டு இருந்ததை கண்டுபிடித்தனர்.
மொத்தம் 3½ டன் புகையிலை இருந்தது. அவற்றை போலீசார் பறிமுதல் செய்தனர். குடோன் உரிமையாளர் திருப்பதி என்பவர் தலை மறைவாகிவிட்டார். அவரது சகோதரன் மோகனை கைது செய்தனர்.
குட்கா கிடைத்தது எப்படி? எங்கிருந்து கொண்டு வரப்படுகிறது. யார் மூலம் சப்ளை செய்யப்படுகிறது என்று போலீசார் விசாரணை நடத்தி வருகிறார்கள்.
குடோனில் 3½ டன் குட்கா பறிமுதல் செய்யப்பட்ட சம்பவம் அப்பகுதியில் பரபரப்பை ஏற்படுத்தி உள்ளது.
சென்னை:
தடை செய்யப்பட்ட குட்கா போன்ற போதை பொருட்கள் கடை மற்றும் வீடுகளில் பதுக்கி விற்கப்படுவதை தடுக்க போலீசார் தீவிர நடவடிக்கை எடுத்து வருகிறார்கள்.
இதுதொடர்பாக பலர் கைதும் செய்யப்பட்டு உள்ளனர். ஆனாலும் குட்கா போதை பொருட்கள் பதுக்குவது தொடர்ந்து வருகிறது.
இந்த நிலையில் ஐஸ்அவுஸ் பகுதியில் உள்ள ஒரு வீட்டில் குட்கா பதுக்கி வைத்து சப்ளை செய்யப்படுவதாக போலீசாருக்கு தகவல் கிடைத்தது.
இதையடுத்து போலீசார் அந்த வீட்டில் சோதனையில் ஈடுபட்டனர். அப்போது அங்கு 70 கிலோ குட்கா மூட்டை மூட்டையாக பதுக்கி வைத்திருப்பது தெரியவந்தது. அவற்றை போலீசார் பறிமுதல் செய்தனர்.
இதுதொடர்பாக வீட்டில் இருந்த சுரேஷ், நூருல்லா ஆகிய 2 பேரை கைது செய்து விசாரணை நடத்தி வருகிறார்கள்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்